IP/09/195
Brussell, it-30 ta' Jannar 2009Trid tkun taf x’imiss fl-aġenda
tal-UE?Il-Kummissjoni Ewropea tat bidu
għall-Kalendarju tal-UE, għodda ġdida tal-internet li tippermetti
lil kull min irid, jinsab fejn jinsab fid-dinja, biex isir jaf x’se jkun
hemm fuq l-aġenda tal-istituzzjonijiet Ewropej fil-futur qrib.
“Il-Kalendarju tal-UE jagħti aċċess lill-ġurnalisti
fl-Istati Membri għall-istess informazzjoni li għandhom
aċċess għaliha l-ġurnalisti fi Brussell. Naturalment, huwa
aċċessibbli għall-pubbliku wkoll.  Dan huwa eżempju tajjeb
tal-“komunikazzjoni fil-livell lokali”, qalet il-Viċi President
Margot Wallström, responsabbli għar-Relazzjonijiet Istituzzjonali u
l-Istrateġija tal-Komunikazzjoni.
Il-Kalendarju tal-UE huwa għodda tal-internet li għandha
l-għan li tgħin lill-ġurnalisti u lill-professjonisti
tal-informazzjoni jsibu tarf tal-flussi kontinwi tal-informazzjoni li hemm
disponibbli fuq kwistjonijiet marbutin mal-UE. Se jkun punt tad-dħul uniku
għal informazzjoni avvanzata (testi, links u stampi) fuq
leġiżlazzjoni ġdida, azzjonijiet u avvenimenti mħejjija jew
organizzati mill-istituzzjonijiet tal-UE. 
L-informazzjoni kollha tkun disponibbli bi tliet klikkijiet tal-maws:kalendarju ta’ azzjonijiet u avvenimenti fil-futur (kull
ġimgħa, kull xahar u kull tliet xhur);
informazzjoni qasira dwar kull avveniment (il-post, id-data, il-kuntatti,
taqsira tal-kontenut); 
stampi, vidjows u/jew websajts speċifiċi li jagħtu
informazzjoni fid-dettall.Tista’ tara l-Kalendarju tal-UE
fil-websajt: http://europa.eu/eucalendar/