IP/09/800
Brussell, it-18 ta' Mejju 2009Il-vot tiegħek jgħodd, semma'
leħnekMill-4 sas-7 ta' Ġunju li ġej, 375 miljun
ċittadin ta' 27 pajjiż, minn Ħelsinki sa Liżbona, minn
Dublin sa Vilnius, ser ikunu msejħa biex imorru jivvutaw sabiex
jeleġġu l-Parlament Ewropew. F'filmat disponibbli fuq
is-sit tal-internet tiegħu, il-President tal-Kummissjoni Ewropea José
Manuel Barroso jsejjaħ liċ-ċittadini biex imorru jivvutaw sabiex
isemmgħu leħinhom.
"Il-vot tiegħek jgħodd. Għaliex l-għażla
tiegħek ser tgħin biex issawwar id-direzzjoni tal-azzjoni tal-Unjoni
Ewropea fil-ħames snin li ġejjin" stqarr il-President Barroso
f'dan il-filmat li hu aċċessibbli fuq is-sit tal-internet tiegħu
f'dan l-indirizz :
http://ec.europa.eu/commission_barroso/president/multimedia/vlog/index_en.htm
Il-filmat hu disponibbli f'6 lingwi (Ingliż, Franċiż,
Ġermaniż, Spanjol, Portugiż, Taljan) fuq is-sit tal-internet
tiegħu iżda wkoll fuq il-portal awdjoviżiv tal-Kummissjoni
Ewropea. Il-verżjoni bil-miktub ta' din id-dikjarazzjoni hi wkoll
aċċessibbli fis-17-il lingwa oħra tal-UE.
Hu jfakkar, li minkejja li hi l-Kummissjoni Ewropea li tieħu
l-inizjattiva politika u tagħmel il-proposti meħtieġa sabiex
twassal riżultati konkreti għaċ-ċittadini, huwa l-Parlament
Ewropew li jagħmel il-liġijiet, flimkien mal-gvernijiet nazzjonali".
Hu jżid ukoll li "l-Istituzzjonijiet Ewropej jridu jagħtu rendikont
tal-azzjoni tagħhom lill-Parlament Ewropew".
"Int għandek tagħżel lill-membri parlamentari li jirriflettu
l-opinjoni tiegħek dwar kif għandhom jiġu affrontati dawn
l-isfidi attwali" ikkonkluda l-President Barroso għaliex l-azzjoni
tal-Ewropa ser tħalli impatt fuqek u fuq il-ħajja tiegħek ta'
kuljum.