IP/09/ 1573  Brussell, it-22 ta' Ottubru 2009  Il-Gran Premju Natali 200 9 ingħata lill-ġurnalist Ċiniż Yee Chong LEE għas-servizz tiegħu dwar it-terremot fis-Sichuan   Iċ-ċerimonja tal-għoti tal-Premju Lorenzo Natali għall-Ġurnaliżmu qed issir illum fi Stokkolma, matul il-Jiem Ewropej għall-Iżvilupp.  Ħmistax-il persuna, li ntgħażlu fost iktar minn 1000 kandidat mid-dinja kollha, ġew rikumpensati minn ġurija indipendenti magħmula minn tmien membri mid-dinja tal-ġurnaliżmu.  Ingħataw tnax-il premju reġjonali, Premju Speċjali għar-Radju, Premju Speċjali għat-Televiżjoni u l-Gran Premju Natali.  Il-Gran Premju Natali ngħata lil Yee Chong Lee, ġurnalista ta’ Now TV, għas-servizz tiegħu intitolat "It-terremot f’Sichuan, sena wara".  Dan il-ġurnalista żagħżugħ minn Hong Kong qatta’ xahar fuq il-post fejn sar id-diżastru, biex jintervista lill-popolazzjoni, dwar ir-raġunijiet tad-diżastru u l-istat tar-rikostruzzjoni.  Il-Kummissarju Ewropew għall-Iżvilupp u l-Għajnuna Umanitarja, Karel De Gucht, iddikjara :   "Il-libertà tal- espressjoni huwa dritt fundamentali.  Bl-impenn li jieħdu li jkunu xiehda ta’ żmienna, il-ġurnalisti għażlu li juru l-kundizzjonijiet ta’ għajxien tal-kontemporanji tagħhna, jirrapurtaw l-avvenimenti li jkollhom impatt qawwi fuq il-pjaneta u jiddenunċjaw l-inġustizzji u jikxfu l-iskandli:  dan kollu jfisser parteċipazzjoni fil-promozzjoni tad-demokrazija, tal-iżvilupp u tal-libertajiet.  Il-Premju Natali huwa l-okkażjoni biex jiġu rikonoxxuti l-irġiel u n-nisa li, xi drabi anke b’riskju għal ħajjithom, jippruvaw itejbu d-dinja tagħna u jiftħulna għajnejna għar-realtajiet tal-lum.  Nixtieq nifraħ lil dawk li rebħu l-premju u b’mod partikolari r-rebbieħ tal-Gran Premju Natali 2009, Yee Chong Lee, li wera l-ħtieġa li tiġi segwita storja ħafna wara li tkun dehret fl-aħbarijiet ewlenin.  Nixtieq ukoll nirringrazzja b’mod partikolari l-membri u l-President tal-Ġurija 2009, ġurnalista ta’ Al Jazeera." Ir-rapport tal-ġurnalisti l-oħra li ngħataw premju kienu fost oħrajn:   il-persekuzzjoni tal-albinos fl-Afrika ‘l isfel mis-Saħara;   il-milizji fil-favelas;   is-suq illegali tal-kadavri fiċ-Ċina;   l-istupru fil-gwerra fir-RDK;   it-tfal akkużati li huma sħaħar fir-RDK;   il-kundizzjonijiet fil-ħabsijiet ta’ Żimbabwe.    Kuntest:  Il-Premju Lorenzo Natali huwa premju dinji maħluq fl-1992, li huwa miftuħ għall-midja kollha.  Dan il-Premju huwa parti integrali tal-politika ta’ żvilupp tal-Kummissjoni Ewropea li tqis id-difiża tal-libertajiet fundamentali, il-libertà tal-espressjoni, id-demokrazija u d-drittijiet tal-bniedem bħala essenzjal i.   Biex torganizza l-Premju Lorenzo Natali, il-Kummissjoni Ewropea ssieħbet ma' xi wħud mill-aktar magħrufa fost l-assoċjazzjonijiet dinjin tal-istampa, bħal Reporters Sans Frontières (rebbieħa tal-Premju Sakharov għal-Libertà tal-Ħsieb fl-200 5) jew The World Association of Newspapers and News publishers (li tirrappreżenta b'kollox iktar minn 18 000 pubblikazzjoni fuq il-ħames kontinenti).   Għal iktar tagħrif:    http://www.prixnatali2009.eu/    Għat-Televiżjoni:  Siltiet miċ-ċerimonja u Servizz Speċjali ta’ Aħbarijiet dwar ir-rebbieħ tal-Gran Premju (Iktar tagħrif fuq Europe By Satellite):    http://ec.europa.eu/avservices/ebs/schedule.cfm   Anness Lista sħiħa ta’ rebbieħa:  Gran Premju Natali:   Sichuan Earthquake, One year on ta’ Yee Chong LEE, Now TV, Ċina Riżultati tar-Reġjun tal-Afrika:  L-Ewwel Premju:  The battle for souls ta’ Richard MGAMBA, The Guardian on Sunday , Tanzanija  It-Tieni Premju:  Undercover inside the chinese sex mafia… ta’ Anas AREMEYAW ANAS, The New Crusading Guide , Ghana  It-Tielet Premju:  Du pain souterrain au prix de la témérité ta’ Moussa ZONGO, L'événement , Burkina Faso Riżultati tar-Reġjun Amerika Latina u Karibew:  L-Ewwel Premju :  Dossiê Milícia ta’  João Antônio BARROS u Thiago PRADO, O Dia , Brażil  It-Tieni Premju:  Amores que matan ta’ Dora Luz ROMERO MEJÍA, La Prensa , Nikaragwa  It-Tielet Premju:  En clínicas se hace de todo para curar homosexualidad ta’  María Alejandra TORRES REYES, Diario El Universo , L-Ekwador Riżultati tar-Reġjun Asja u l-Paċifiku:  L-Ewwel Premju :  Deadly harvest ta’ Fiona TAM, South China Morning Post , Ċina  It-Tieni Premju:  The Ticking Bomb ta’ Massoud ANSARI, Herald , Il-Pakistan  It-Tielet Premju:  Living Without Bombs ta’ Mui Yoon CHIN, The Star , Il-Malasja Riżultati tar-Reġjun Ewropa:  L-Ewwel Premju :  Stupru minn Seba’ Suldati.  Sfurzata li Tara l-Familja Tagħha Maqtula... ta’ Lucy ADAMS, The Herald , Ir-Renju Unit  It-Tieni Premju:  Lipstick revolution:  Iran's women are taking on the mullahs ta’ Katherine BUTLER, The Independent , Ir-Renju Unit  It-Tielet Premju:  Daddy raped me. Simply raped.  Almost every day ta’ Janar FILIPPOV, Eesti Ekspress , L-Estonja  Il-Premju Speċjali Radju jingħata lil Enfants dits "sorciers":  enfants en danger ta ’ Freddy MATA MATUNDU u Larissa DIAKANUA, Radio Top Congo FM, RDK  Il-Premju Speċjali TV ingħata lil Hell Hole ta’ Johann ABRAHAMS & Godknows NARE, SABC, L-Afrika t’Isfel  Kompożizzjoni tal-Ġurija 2009:  Il-President:  Barbara Serra - Al Jazeera, TV  Membri:  Heather Blake - Reporters sans frontière (RSF)  Agnès Gaudu - Courrier International  Kate Gilmore - Amnesty International  Raphael Gomide - Gran Premju Lorenzo Natali 2008  Karin Hübinette - SVT TV  Larry Kilman - World Association of Newspapers and News Publishers (WAN-IFRA)  Martin Plaut - BBC