IP/09/1779  Brussell, l-20 ta' Novembru 2009 Il-Kummissjoni tadotta l-pjan tal-għajnuna tal-ikel għas-sena 2010 għall-persuni l-aktar fil-bżonn  Il-Kummissjoni Ewropea llum ippubblikat il-pjan tal-għajnuna tal-ikel għas-sena 2010 għall-persuni l-aktar fil-bż onn.  L-iskema, li oriġinarjament ġiet implimentata biex il-ħażniet żejda tal-prodotti agrikoli ("il-ħażniet ta' intervent") jitqassmu fost dawk fil-bżonn, ġiet emendata f'nofs id-disgħinijiet biex ikun possibbli li f'ċerti ċirkostanzi l-ħażniet ta' intervent jiġu ssupplimentati b'xiri mis-suq.  Madankollu, din is-sena l-ħażniet ta' intervent eżistenti (ċereali, zokkor, trab tal-ħalib, butir) koprew sew il-ħtiġijiet tal-pjan għall-2010, u għalhekk jeħtieġ biss rikors limitat għax-xiri mis-suq.  Il-baġit allokat huwa ta' 500 miljun ewro u jikkorrispondi għal dak tal-pjan tal-2009.  Din is-sena, 19-il Stat Membru ddeċidew li jieħdu sehem f'dan il-Programm.  Mariann Fischer Boel, Membru tal-Kummissjoni inkarigata mill-Agrikoltura u l-Iżvilupp Rurali, qalet dwar il-P rogramm:  "Dan huwa mezz konkret li bih l-Unjoni Ewropea tgħin parti mill-persuni l-aktar fil-bżonn tas-soċjetà tagħna.  Għalhekk, l-implimentazzjoni tajba tiegħu hija essenzjali sabiex il-prodotti finali tassew jaslu għand dawk li huma fil-bżonn". L-isfond  It-tqassim b'xejn ta' ikel min-naħa tal-Komunità lill-persuni l-aktar fil-bżonn kien tnieda fi żmien l-emerġenza tax-xitwa eċċezzjonalment kiesħa tal-1986/87, fejn il-ħażniet żejda tal-prodotti agrikoli kienu ngħataw lill-assoċjazzonijiet tal-karità tal-Istati Membri sabiex dawn iqassmuhom lill-persuni fil-bżonn.  Din il-miżura mbagħad bdiet issir kull sena u ssejset fuq il-ħażniet ta' intervent.  Din l-iskema ppermettiet lill-Istati Membri jiżblokkaw il-ħażniet pubbliċi tal-ikel żejjed bil-għan li jintużaw bħala għajuna alimentari.  Il-proċess ta' riforma tal-Politika Agrikola Komuni (PAK) mibdi fl-ewwel tas-snin disgħin, li kellu l-għan li jnaqqas b'mod drastiku l-ħażniet ta' intervent Komunitarji, xorta waħda kkontribwixxa biex jawtorizza r-rikors għax-xiri mis-suq f'ċerti ċirkostanzi.  Madankollu, din is-sena l-kwantità tal-ħażniet ta' intervent disponibbli ppermettiet li tiġi koperta l-biċċa l-kbira tal-pjan,u għalhekk jeħtieġ biss rikors limitat ħafna għax-xiri mis-suq.  Minkejja dan, it-tnaqqis sostenibbli tal-ħażniet ta' intervent wassal għat-tfassil ta' proġett ta' riforma tal-Programm li għandu l-għan li jadatta għall-iżviluppi fil-PAK u jtejjeb l-effiċjenza tiegħu fir-rigward tal-persuni l-aktar fil-bżonn.  Din ir-riforma għadha ma ġietx adottata mill-Kunsill.  Il-parteċipazzjoni tal-Istati Membri fil-Programm hija volontarja, u pjan ġdid jiġi adottat kull sena mill-Kummissjoni.  L-għajnuna ġeneralment tingħata lil firxa wiesgħa ta' nies li qed jgħixu fil-faqar, fosthom familji f'diffikultà, nies anzjani li m'għandhomx biżżejjed mezzi, dawk bla dar fissa, persuni b'diżabilità, tfal f'riskju, ħaddiema foqra, ħaddiema immigranti u persuni li qed ifittxu kenn politiku.  L-Istati Membri li jixtiequ jieħdu sehem fil-programm fil-bidu ta' kull sena jgħarrfu lill-Kummissjoni u jikkomunikawlha l-ħtiġijiet tagħhom ta' prodotti.  Għandhom ukoll jipprovdulha rapport a posteriori dwar l-implimentazzjoni tal-Programm.  Għalkemm l-UE għandha, bħala medja, wieħed mill-ogħla standards tal-għajxien fid-dinja, hemm nies ma għandhomx biex jieklu b'mod xieraq.  Skont l-istimi l-aktar reċenti, bħala medja, 17 % tal-popolazzjoni tal-Unjoni Ewropea jgħixu taħt jew fuq l-għatba tal-faqar u, bħala konsegwenza, iħabbtu wiċċhom mal-faqar alimentari li, pereżempju, lanqas jippermettilhom jieklu ikla bbilanċjata kull jumejn. Programm bħal dan jippermetti li jiġi żgurat li ċ-ċittadini Ewropej l-aktar foqra jgawdu mill-PAK, waħda mill-eqdem politiki Ewropej.  Għal aktar tagħrif u dokumenti dwar il-Programm, ara:     http://ec.europa.eu/agriculture/markets/freefood/index_en.htm     Anness 1:  Kwantità ta' kull tip ta' prodott biex tittieħed mill-ħażniet ta' intervent Komunitarji għall-għanijiet tat-tqassim fl-Istati Membri fil-qafas tal-pjan tal-2010  Anness 2:  Riżorsi disponibbli għall-Istati Membri fil-qafas tal-pjan tal-2010. Anness 1 Kwantità ta' kull tip ta' prodott biex tittieħed mill-ħażniet ta' intervent Komunitarji għall-għanijiet tat-tqassim fl-Istati Membri fil-qafas tal-pjan tal-2010   (f’tunnellati)            Stati Membri   Ċereali   Butir    Trab tal-  ħalib   Zokkor     Belgique/België     29.067      1.285      -      1.507       България     54.104      -      -      1.724      Česká republika     302      20      22      9      Eesti     5.147      -      1      -      Eire/Ireland     -      350      -      -      Elláda     64.397      -      5.889      -      España     181.248      9.335      1.603      3.483      France     168.998      13.033      12.050      3.247      Italia     283.206      20.000      18.166      4.006      Latvija     22.951      -      969      -      Lietuva     40.317      145      1.212      1.182      Magyarország     95.687      -      -      1.938      Malta     4.740      -      -      -      Polska     387.305      1.901      17.952      10.823      Portugal     47.522      5.079      1.826      1.045      România     135.555      -      4.500      5.577      Slovenija     9.810      -      600      289      Suomi/Finland     25.371      -      500      -      Total     1.555.726      51.148      65.290      34.832      Anness 2 Riżorsi disponibboli għall-Istati Membri fil-qafas tal-pjan tal-2010.          (f' EUR)     Stati Membri   It-tqassim     Belgique/België   7.806.433      България   8.565.832     Česká republika   133.893     Eesti   761.012     Éire/Ireland   818.816     Elláda   20.044.478     España   52.623.664     Franza   78.103.609     Italia   122.456.856     Latvija   5.119.849     Lietuva   8.859.115     Luxembourg   107.483     Magyarország   14.770.126     Malta   698.841     Polska   97.405.034     Portugal   22.516.761     România   29.951.704     Slovenija   2.619.927     Suomi/Finland   4.636.567     Total   478 000 000